14.10.2007 12:00

Heimsóknir....


Já það hefur verið kátt í bæ. Margir komið og kíkt til okkar síðustu daga. Í fyrrakvöld voru Jóhanna og Konný hér. Í gær komu Hemmi og Guðrún og við tókum okkur góðan tíma í að skoða myndir ofl.
 
Svo kom Fúsi í gærkvöld. Hann var að koma frá Búðardal,þar sem þeir voru að vinna. Svo komu Benni og Ölli líka í gærkvöld og aftur fórum við í myndaskoðun úr ferðinni okkar.

Já við höfum fengið rokið okkar aftur en nú er komið fínasta veður allavega í bili.Týra og Vikký láta fara vel um sig. Týra hin rólegasta en meiri leikur í litlu Vikký. Hún er ekkert smá dugleg litla skinnið á sínum þremur fótum!!

Við erum samt ekkert of dugleg þessa daga..hálf löt ef svo mætti segja. En morgundagurinn breytir tímamuninum endanlega. Ég fer með tengdapabba til læknis klukkan átta í fyrramálið svo þá þýðir ekkert að lúlla sér.

Reyndar hefur Gunni verið þessa tvo daga við vinnuna en samt er eins og það taki tíma að snúa upp á tímann. Nú er Linda á Spáni í brúðkaupsferð og ég heyrði í henni..Hún er mjög ánægð með stað og hótel. Þau Jón verða reyndar bara í viku og Hrafnhildur og Kalli eru með Hrafntinnu.

Læt þetta duga af spjalli í bili. Bestu kveðjur Silla..


Flettingar í dag: 1183
Gestir í dag: 79
Flettingar í gær: 156
Gestir í gær: 16
Samtals flettingar: 98941
Samtals gestir: 19901
Tölur uppfærðar: 29.3.2024 16:27:28