Já nú er verslunarmannahelgin framundan. Aðalferðahelgin hjá sumum.Við hjúin kynntumst t.d. um verslunarmannahelgi. Það var á bindindismóti í Húsafelli.

Svo voru þau mót flutt í Galtalæk tveim árum seinna og ég heyrði að þau væru alveg hætt núna. Mér finnst það miður. Held að margir eigi notalegar minningar af þessum mótum. En önnur fjölskyldu-unglingamót taka þá við.

Reyndar hefur verið talað um flestar helgar í sumar sem ferðahelgar svo kannski verði ekki eins margt fólk á faraldsfæti um næstu helgi. Það spáir nefnilega íslensku roki og rigningu á föstudag! Vonandi verður minna úr veðrinu.

Í gærkvöld kom Hrafnhildur og við vigtuðuðum voffana. Sá þyngsti 670 gr. Þegar þeir fæddust voru þeir til samans 660 gr. Og nú vigta þeir saman tæp 3.500 gr. Allir í góðum gír greyin og fínir. En kannski rétt að fara að gefa þeim að lepja svo það létti á Týrunni.

Garðar Ingi og Vilmundur ætla að gista í nótt. Þeim finnst spennandi að vera í sveitinni. Í dag var loksins tengdur diskurinn svo nú er hægt að fara að horfa á sjónvarpið. Hef undanfarið kíkt í gegn um netið.

Reyndar eru diskarnir tveir og það náðist ekki að tengja nema Sky. Rafeindavirkinn kemur aftur á morgun. En það nást ,, bara,, nokkur hundruð stöðvar á Sky. En ég hef nú meiri áhuga á því Íslenska!

Lolli í Bala er búin að rífa skúrinn sem ég var að tala um í einhverju blogginu. Hann er smekkmaður. Það sést líka á öllu þarna í Bala. Þau systkyn eru þannig. Þessi skúr var líka gamall og eins og út úr kú miðað við annað á þeim bænum.

Jæja læt þetta duga að sinni. Góðar stundir.


Já og bræðurnir eru eins og englar. Tefla..Garðar er að kenna bróður sínum og það heyrist varla í þeim. Prúðir hjá ömmu.


                                             
 Svo fer Garðar með pabba sínum í bústað um verslunarmannahelgina..

 

 

                                               Hææææææææææææ

 Já og nú er ég komin með ríkissjónvarpið í gegn um gerfihnattadisk og það er tært og fínt.