Já það var góður dagur í dag. Lægði vindinn eftir að ég fór úr tölvunni síðast og bara blíða. Ég var að raða timbri og fleira. Það eru bara forréttindi að fá svona veður og maður kann sko að meta það.

Jóhanna og Vilmundur komu í mat og Ástrós og Garðar Ingi eru hjá fólkinu sínu í Vaðnesi. Reyndar er Ástrós skáættingi en þau eru þvílíkt öðlingsfólk Óli, Jórunn og börn að það er bara einstakt. Ég held að þau uppskeri líka eins og þau sái...

Svo eiga þau afmæli um þessar mundir. Ástrós Anna 14 ára og Vilmundur Árni 6 ára. Ég var að bjóða Jóhönnu að hafa afmælin hér hjá okkur. Held að það sé bara góð hugmynd. Þá yrði það á laugardegi eftir hálfan mánuð. Þá á Ísar afmæli verður þrítugur...ja hérna. Hann ætlar að hafa tjaldsamkomu á túninu í Nýlendu.

En nú slæ ég botninn í þetta í bili og hafið það sem best.

Silla.