Hvað á ég að setja sem fyrirsögn!! Jú vegna þess að það er miðvikudagur og svona venjulegur þá...En þessi venjulegi dagur er góður og allt gengur vel, allir hraustir eða þannig. Ég tel það ekki neitt voðalegt þó fólkið mitt liggi í flensu..

Nei bara til að segja við þær..Lindu, Konný og Jóhönnu. Það gengur yfir og hugsið ykkur alla sem þurfa að takast á við stóru veikindin sem eru margir.

En nú erum við gömlu búin að ákveða að heimsækja barnabörnin þrjú í Söndeborg á Jótlandi í Danmörku. Foreldrana lika..auðvitað. Reyndar heitir bærinn þeirra Lisabild og er mjög nálægt borginni.

Þarna situr Eiríkur sonur okkar á skólabekk. Lærir róbótaverkfræði eða eitthvað slíkt. Róbóti flott!! Og hann tók börn og buru með sér. Lilja sem er prestur er ekki allt of ánægð með að fá ekki vinnu við hæfi. Ekki sem prestur..en! ! Hún er bara að reyna að finna einhverja góða vinnu. En vonandi gengur það upp.

En við förum 5. desember og tökum jólapakkana með okkur. Gott fyrir fjölskylduna að þurfa ekki að senda neinn póst þetta árið. Við ætlum að gera smá stopp í Kaupmannahöfninni í leiðinni.

 En þarna á Jótlandi er fjölskylda Eiríks búin að búa síðan í júlí 2006. Við fórum til þeirra í september sama ár. Í fyrra með Norrænu já!!

En læt þessa þanka duga í bili.

Kveðja úr Heiðarbænum..

 

 Já frænku-(og frænda)hópurinn stækkar! Jóna Bergþóra Sigurðardóttir (Dúnudóttir) eignaðist dóttur númer tvö í gærmorgun..Til hamingju Jóna ,Óli og Álfheiður Una...Og ég er meira að segja búin að fá sendar myndir..Svo fín stelpa!!

Annars er allt í góðum gír hér í Heiðarbænum. Var að kokka ofan í karlana mína kjötbollur..Reyna að gera þá svolítið bollulega. Svo nú er bara að snúa sér að öðru. Skreppa í Keflavík fyrir mömmu og fleira svoleiðis.

Hitti Lindu og Jón með Hrafntinnu í morgun. Þau voru með hana hjá lækni. Hún er lasin stelpuanginn. Með streptakokkasýkingu. Gat ekki gengið á tímabili í gær. En við vonum það besta..Hún virtist eitthvað styðja í fótinn í morgun.

Og nú var Jóhanna að hringja, líka sárlasin. Ætla að skreppa fyrir hana í búð í leiðinni. Svo stundum er gott að vera laus við..á lausu!! Vona að ég fái ekki einhverja flensu..Má ekki vera að því.

Hef ekki tíma í meira mas og þras..
Bestu kveðjur.
Silla.

Jamm, það er auðvitað ekki allt fullbúið hér í Heiðarbæ..nei nei. Núna er Diddi að hjálpa okkur að klára gestabaðið. Þar verða líka þvottavélin og þurrkarinn. Einhverjir sögðu við mig þegar teikningarnar voru skoðaðar..Silla flott að hafa í kjallaranum þvottahús og svoleiðis.

En ég sagði nei þá og held að það sé raunsætt..Allt í lagi núna, en eftir 10-20 ár, þá hvað? Gott að hafa flest til daglegra nota á sömu hæð! Svo nú er hann Diddi eða Sigurður frá Hlíðarhúsum að flísaleggja fyrir okkur. Hann er mjög góður í faginu og duglegur. Góður strákur.

En annarri flísalagningu hafa feðgarnir Jón og Kalli sinnt með miklum sóma. En þeir höfðu ekki endalausan tíma og við skiljum það. Og þeir eru á öllum stöðum í einu feðgarnir. Núna er hús Lilju og Alla að rísa..Ekkert smá flott...Höll!!

Og svo eigum við hér eftir að ljúka við kjallarann. Þar ætlum við að hafa bókaherbergið og saumaherbergið. Get kannski lagað galla og náttföt fyrir barnabörnin. Og það er bara ljúft að hafa eitthvað að gera í framtíðinni ef heilsan leyfir.Góð heilsa er gulli betri!

Gott fyrir Gunna þegar hann kemst á eftirlaun að hafa eitthvað að snudda. Það verður örugglega eitthvað eftir handa honum eftir nokkur ár!! Átta ár eru fljót að líða. Eftirlaunin eða lífeyririnn eru reyndar smánarleg núna..En kannski lagar einhver réttlætissinninn það og tengir hálaunastéttunum..hver veit. Má láta sig dreyma..

Kveðja úr logninu..!!..Silla.

Ég á stóran hóp frændfólks. Sérstaklega af náskyldu föðurfólki. Átta voru þau systkynin pabbamegin sem lifðu til fullorðinsára. Aftur á móti er mamma einbirni.Og við erum því stór hópur systkinabarna í föðurætt.

Eina frænku kveð ég í dag, Huldu Reynhlíð. Hún var 26 árum eldri en ég og það er skiljanlegur aldursmunur því Jóna móðir hennar var elst systkinanna frá Hólakoti (í Stafneshverfi) eins og þau voru oft kölluð en pabbi næstyngstur. Auk þess var pabbi orðinn 32 ára þegar ég fæddist.

Svo í dag erum við að fara í jarðarför í Reykjavík. Benni frændi ætlar að koma með mér og auðvitað mamma. Þær voru ekki á svo ólíkum aldri. Þó er mamma yngri. Þegar við Gunni bjuggum í Vestmannaeyjum (1972-73) þar sem Hulda var uppalin hafði hún flutt upp á land eins og kallað er. Veit að flestir eldri Eyjabúar kannast við hana sem Huldu í Mjólkurbúðinni! Hress kona. 

En annars er allt gott að frétta héðan úr blíðunni í Stafneshverfinu. Rólegt og fínt. Lolli í Bala farinn í Kópavoginn þar sem hann dvelur yfir háveturinn. Elín Bjössadóttir er búin að fá íbúð í Njarðvík og farin úr skúrnum. Gott mál því þó góður sé (skúrinn) þá er hann kannski ekki endilega barnvænn.

En Ísar býr hjá Bjössa núna. Svo í hverfinu búa núna sjö, hvað eigum við að segja..hræður..hm. Einhvern tíma hefur nú verið fjölmennara. Það þarf ekki að horfa lengra en til minna uppeldisára. Þá hafa líklega verið hér hátt í þrjátíu manns. Og ef ég fer aftur um 100 til 200 ár þá voru yfir hundrað bæir og kot hér!!!

En það var þá. Núna eru tímarnir breyttir og kannski bara skrítið fólk eins og við sem búum hér og kunnum svona vel við rólegheitin. Ekki má þó gleyma þeim mörgu sem koma um hverja helgi í bústaðina sína þó þau búi annarstaðar.

Læt þetta duga í bili af ættfræði og öðru.
Kveðja Silla.

   
Já, þó að við Gunni séum búin með okkar kvóta í ár með ferðalögin eða þannig þá eru aðrir það ekki..Ég skutlaði Hrefnu og Dóru upp í Flugstöð. Þær voru að fara með vinnufélugunum (mínum gömlu) til Minneapolis. Gaman hjá þeim..gæti alveg hugsað mér að vera í hópnum.en.

Og svo fór Ölli til Flórida í dag á sama tíma. Ég kíkti á þá bræður í morgun og bað Ölla að taka pakka til David. Reyndar verð ég að biðja Dísu að senda pakkann í innanlandspósti. Nema David og Stacey komi í heimsókn í Appleton!!

Dagurinn minn í dag var svona..venjulegur.  Eldrauð í framan að elda fyrir karlana mína en það er enginn fýlusvipur á mér samt. Ég byrjaði daginn í Átak-þjálfun klukkan 9.30. Ekki snemmt það. Sú gamla fór á fætur kl. 8.00..Nákvæm dagbók! ...

Síðan eins og ég sagði..steikja fisk fyrir fimm ''stráka,, og svo að skutlast með einhvern, bara venjulegt. Svo sótti ég Vilmund í dagvistunina. En ég fór heim tvisvar í millitíðinni. Og sumu fólki finnst svo rosalega langt í Stafneshverfið!! Ekki okkur..

Ég fór efri leiðina einu sinn í dag og það er bara í góðu lagi ef ekki er þurrt og ryk. Gaman að sjá Hafnirnar svona í öðru ljósi. Bónusferðirnar mínar styttast um 9 km. með þessari leið. Vona bara að ríkið í ríkinu sjái sér fært að olíubera eða malbika!!

En jæja ekki meira raus í bili..Kveðja úr Heiðarbæ.

Já hvað tíminn flýgur. Aftur kominn sunnudagur og ný vika að læðast inn. Við vorum í þvílikt flottri afmælisveislu hjá Hrefnu í gærkvöld. Allir í megastuði og hljómsveitin Grænir vinir spiluðu fyrir dansi eftir að fólk var búið að fá sér kræsingar a la Hrefna.


Það voru örugglega hátt í 100 manns á staðnum. Heill hópur úr Flugstöðinni sem var gaman að hitta. Svo átti Margrét dóttir þeirra afmæli líka svo samtals var þetta 100 ára afmæli . Og Magga frænka mín(við erum systkinadætur)og fólkið hennar var mætt því hún er jú tengdamamma Margrétar..Svo lítið samfélagið okkar!


Linda var í nágrenninu í heimsókn og skutlaði okkur heim um klukkan hálf eitt í nótt. Svo það hefur víða verið fjör í bænum því árshátíð Sandgerðisbæjar var líka í gærkvöld.
Kannski einhverjir latir í dag ...


Maddý og Gísli voru í Glaumbænum og við kíktum í kaffi. Og svo var auðvitað spjallað um ferðina stóru sem við fórum!!! Nú er best að hætta þessu blaðri og ég kveð að sinni úr Heiðarbænum.
Silla.

Ég fór í Bónus í dag eins og oft um helgar. Var að kaupa fyrir karlana mína í Fúsa ehf og fyrir okkur gömlu hjúin í Heiðarbænum. Ekkert óvenjulegt við það. Samt var ég smá hugsi þegar ég var að tína í körfuna .Allt fjölmiðlafárið sem hefur verið að undanförnu um samráð, um æðisleg hlaup þegar teknar eru verðkannanir og svoleiðis hluti. Það mættu þá vera fleiri verðkannanir ef það lækkar vöruverðið!!

En nýkomin heim frá Bandaríkjunum þá skil ég ekki verðið hér heima. Ég er samt búin að taka með í reikninginn háan virðisauka hér. Og í Bónus og Kaskó (á Suðurnesjum) og hinum sem líka eru í eigu sömu aðila er þvílíkur verðmunur og af hverju? Allt of mikill!!!!
 
Sparkaupsbúðir =Kaskó og Tíu -ellefu =Bónus! Hvað er málið? Jú lágvörubúðir með litla þjónustu og svo hinar með hvað? Ekki svo áberandi munur satt að segja.Jú kannski opnunartíminn..

Og færri viðskiptavinir, meira pláss til að skoða dýrðina. En ég er samt ein af þeim sem segi að Jóhannes í Bónus hafi lyft Grettistaki þegar hann byrjaði og fjöldi fólks nýtur enn góðs af þessu upphafi.

En betur má ef duga skal. Það er óútskýranlegur munur á verðlaginu hér og víða í nágrannalöndunum beggja vegna Atlantshafsins. Vonandi bera stjórnvöld gæfu til að koma okkur á hærra plan í þessum málum. Þá hætta kannski ferðamennirnir að glenna upp augun!!!

En þetta voru verðlagsþankar Sillu.
 Bestu kveðju úr Stafneshverfinu..

Ég hélt að kartöflurnar mínar væru ónýtar vegna kuldans sem varð um helgina. En nei nei þessar fínu dúllur og meira segja margar grillkartöflur. Snjórinn hefur varið þær.
 
En magnið var nú ekki eins og í gamla daga þegar við krakkarnir fengum að selja eigin uppskeru í strigapokum.
En nokkrum sinnum í matinn þó. Og svo gott að fá þær svona nýuppteknar.

En í dag er allur snjór farinn eins og ég bjóst við. En hvenær hann lætur sjá sig aftur..Ef ég ætti að panta, þá bara svona rétt fyrir jólin!!!Takk. En maður fær víst ekki að hafa hönd í bagga með því.

Við Lilla fórum í sund í morgun. Sátum heillengi í heita pottinum ..vorum svona pottormar! Flóridaflakkararnir komu við hjá mér eftir hádegi. Fengu sér smálúr í Glaumbænum eftir flugið. Allt í góðu þar.

Nú er síðasti dagur októbermánaðar svo það styttist í jólin..Þau eru þarna hinu megin við hornið..
Enda heyrir maður auglýsingarnar..Líklega ekki ráð nema í tíma sé tekið. En ég læt þetta duga að sinni.
Góðar stundir.
Silla.

Jamm og jæja. Þá er veturinn genginn í garð..greinilega.. enda var fyrsti vetrardagur á laugardag. Það snjóar og það er hláka og svo á að snjóa aftur og hlýna svo. Og kólna!  Alveg dæmigert fyrir veturinn okkar. Vitum aldrei hvernig næsti dagur verður. En í morgun var ég í Átak og er að fá fasta tíma aftur á þriðjudögum og fimmtudögum. Það er flott mér líkar vel að vera hjá þeim og æfa mig.

Svo var ég að malla fyrir smá hluta af Fúsaliðinu mínu en þrír eru fyrir vestan. Svo er ég að fara til Svandísar á eftir svo það tekur því ekki að renna heim. Og þá nota ég bara tækifærið og pikka smá í vinnutölvunni.

Ég sá mynd af Gunnari Borgþór á 245.is. Þeir félagar í hljómsveitinni Uss unnu í Skýjaborgarkeppninni. Góðir!! Sjaldan fellur eplið langt frá eikinni er sagt..Sigfús var í hljómsveit um tíma og spilaði meira að segja einu sinni á Verktakaárshátíð!!!! Þeir voru þar í einum sal af fleirum því þá unnu svo margir hjá ÍAV. Já og afi hans gutlaði líka á gítar í den..hm.


Í gærkvöld fór ég á fund í Reykjavík hjá Flóanum svokallaða. Þar var fólk að stilla saman strengi í framhaldi af ASÍ fundi og fleiru. Og umræðan hlýtur að vera flestum ljós. Kjarasamningar framundan. Þar er vel unnið held ég og stefnt að því að vera fyrr á ferðinni en í síðustu kjarasamningum. Hvað sem vinnuveitendur síðan gera.


Í fyrramálið koma Maddý og Gísli heim og þurfa að fara að snúa við sólarhringnum. Og á laugardag heldur Hrefna vinkona upp á hm 60 ára afmælið með pompi og prakt. Svo það eru bara veisluhöld út í eitt ..Kemur svona í köstum.
En ég fer að hætta þessu blaðri og þangað til næst:
Hafið það gott.
Silla

 

Já já..Við vorum í afmælispartý ársins í dag ..eða þannig. Mætingin var rosa góð. Yfir 60 manns mættu til að heiðra tengdapabba. Það komu margir fjölskyldumeðlimir og vinafólk hans úr Sandgerði og annarstaðar að.
 
Unnur Lár nágranni til margra ára á Uppsalaveginum, Elín og Eyja úr Miðhúsum ásamt mömmu sem er náttúrulega í fjölskyldunni mættu ásamt Hafnarfjarðarfjölskyldunni næstum allri.

Svo var Lilja að kveðja. Flaug til D.K um miðjan dag. Og svo voru barnabörnin og tengdabarnabörnin og ég veit ekki hvað ég á að telja upp. Flest búa í Sandgerði og komu í afmælið.

Vona og veit að tengdafaðir minn hafi notið þessa út í ystu æsar. Eins og hann var á móti veislu í upphafi!! En Sirrý dóttir hans ásamt Báru systir hans frá Ameríkunni sem kom gagngert heim á þessum tímamótum bróður síns, áttu mestan þátt í að kveða niður þetta mót-veislutal hans.

En að öðru..Ja hérna ..þegar við vöknuðum í morgun var alhvítt! Jólasnjór? Ég var að tala um í gær að ég þyrfti að taka upp þessar fáu kartöflur sem eru í garðinum!! Æ æ. En kannski sleppur þetta. Athuga á morgun..Maddý ætti að sjá þetta útsýni hér úr sólinni í Flórida. Held að snjórinn verði farinn á miðvikudagsmorgun þegar þau koma heim.

Jæja elskurnar..Góða nótt og sofið rótt.
Silla í Heiðarbæ.

Já það verður boðið til veislu fyrir tengdapabba á morgun. Hann verður áttræður en að vísu ekki fyrr en 30.okt. En það er auðvitað miklu betra að ná fólki saman um helgi..svo..Við tökum saman höndum Sirrý ,ég ,Erla Jóna og stelpurnar mínar og búum til eitthvað jammijamm.

Við fengum salinn í Miðhúsum. Þau sem búa þar eiga rétt á salnum einu sinni á ári, svo það er flott mál. Við vitum af mörgum sem koma af höfuðborgarsvæðinu og svo er ég viss um að margir mæta héðan úr Sandgerði.Svo nú er bara að bretta upp ermar og töfra fram réttina!

Já strákarnir hennar Jóhönnu voru hér í nótt og það var fínt. Rólegir strákar..allavega hjá ömmu og afa. En ekkert veður var til útiveru svo sjónvarpið og talvan voru í aðalhlutverki. Ég skilaði þeim um tvöleitið og síðan fórum við Sirrý að spá í salinn og raða borðunum.

Bjössi bró kom áðan og hann er alveg frá í handleggnum.Hann á að fara í skoðun á þriðjudag. Ég held að hann þurfi að fara í sneiðmyndatöku..en hvað verður gert.??.
Vona að hann fái bót á þessu. Lillý er líka lasin og bestu kveðjur til hennar!! Tengdafaðir Dúnu lést í gærkvöld svo það leggst alltaf eitthvað til fyrir fólk. Hann var búin að vera veikur en ég veit samt ekki meir um það.

Kveð að sinni. Kveðjur úr Heiðarbæ. 

Ég sótti Hrafntinnu Jónsdóttir á leikskólann í dag því mamma hennar þurfti að erinda eitthvað. Og við höfðum það gaman saman. Hún er svoddan gæðablóð þessi stelpa en ákveðin og veit hvað hún vill. Amma átti endalaust að vera í ''epli og perur,,eitthvað sem við lékum við krakkana og þau hafa tekið upp sjálf við sín börn.

Svo annað kvöld fer Jóhanna í leikhús með Bónusfólkinu og Garðar Ingi og Vilmundur ætla að gista ásamt Brúnó..hundi. Það verður fínt hjá þeim að koma í sveitina, verst hvað veðrið er leiðinlegt.
 
En það spáir vel um helgina en afmæli og fleira kemur víst í veg fyrir að bera olíu á restina hér utanhúss. Það eru tveir partar eftir og mér finnst við verða að gera þetta fyrir veturinn ef hægt er. En kannski kemur tími seinna í haust. Rigningin hlýtur einhverntíma að taka enda.

Þeir eru að tala um veðurfræðingar að það stefni í metúrkomu í október. Við sluppum vel að vera í burtu á meðan. Nóg er rigningin síðan við komum heim. Nú styttist í að Maddý og Gísli komi heim brún og sæl. Þau koma á miðvikudagsmorgun, held ég. Bíllinn þeirra er í Glaumbæ svo það liggur við að ég sæki þau bara!!!!

Og Snati var sóttur í morgun. Og það voru sko aldeilis fagnaðarlæti! Þau Hilmar Bragi og Gugga komu heim frá Tenerife í gærkvöld. Svo það er rólegt í Heiðarbænum núna. Vikký er rólegur hundur, jafnvel of. En hún er hraust og eðlileg þrátt fyrir að vera bara þrífætt greyið.

Hef þetta ekki lengra í bili..en ég kem alltaf aftur.
Góða nótt og sofið rótt.
Silla.

Jæja þar kom að því að haustlægðirnar létu bera svolítið á sér..Það er hreinlega bilað rok í verstu kviðunum núna..útsynningur. Og í gær seinnipartinn fór önnur lægð yfir. Ég þurfti að halda fast í stýrið á Reykjanesbrautinni þegar við mamma vorum á leiðinni heim. Þetta er okkar góða Ísland!!!Í blíðu og stríðu..

,,Við hundarnir'' fórum í heimsókn til Benna og Ölla áðan í kaffisopa. Týra gerði sig heimakomna og hvolparnir hlupu út um allt! Ég fór reyndar á bílnum þó ekki sé langt á milli, því það er varla stætt stundum.

Annars er lítið að frétta þannig. Ég var að elda fyrir hluta af liðinu mínu í hádeginu og skrapp svo til gömlu hjónanna í smá heimsókn.(Jóhönnu og Fúsa). Systir tengdapabba Bára kom til landsins í morgun og ég held hún hafi valið þessa tímasetningu vegna þess að bróðir hennar verður 80 ára 30.okt. n.k.

Bára býr í Kaliforníu og ætlar að stoppa í mánuð. Við ætlum, börn tengdabörn og barnabörn að hafa kaffi fyrir hann í Miðhúsum á sunnudaginn. Vonandi verður hann hress og nýtur þess.

Bestu kveðjur til ykkar...

Silla.

Lilja er í heimsókn frá Danmörku. Hún ætlar að skíra nýfædda systurdóttir sína. Kannski hún gifti einhvern líka!  Hún kom hingað í Heiðarbæ ásamt Sirrý í gærkvöld. Gaman að hitta hana. Hún kom ekki í Lindu og Jóns brúðkaup en þá mætti Eiríkur.
 
Bjössi var hér í morgun og er að jafna sig af flensu. En hann er líka mjög slæmur í öxl og fram í fingur..Ég er ansi hrædd um að þar sé að taka sig upp brjósklos!

Og við fréttum að það hefði gengið vel að steypa í Eplastræti. Monthy mætti ásamt David og Stacey og hjálpuðu Maddý og Gísla við verkið. Ótrúlega góðir vinir sem við eigum að þarna. Svo nú er mikið búið þar á bæ.

Nú var ég að hella mér upp á kaffi og hef það notalegt í sveitinni. Sunnudagur og á morgun fer ég með mömmu til læknis..Var að reyna að æfa mig í myndaalbúminu og tókst að raða fyrstu myndum frá Kanada upp á nýtt..nokkuð rétt. Það vantar hinsvegar Edmontonhlutann. Fer að koma með þetta.

Það var búið að spá klikkuðu veðri en það bólar ekkert á því. Bara haustblíða ennþá..Linda og Hrafntinna voru að fara og snuddan hennar lenti í hundunum ææ!!.Hef þetta ekki lengra í bili.
Kveðja úr Heiðarbæ.



.

Hæ hæ.. Nú er ég búin að vera á tveggja daga fundi Alþýðusambands Íslands. Hann var haldinn á Hilton Nordica eins og það heitir víst núna..Gamla Esja. Hann var líka þar í fyrra. Ekkert smá flott hótel eftir breytingar.

Fundurinn var ágætur. Sumt gott og annað síður eins og gengur. En það var mikil áhersla lögð á að hækka lægstu launin..(maður hefur nú heyrt eitthvað um svoleiðis áður) En fólk var mjög ákveðið í þessu og margir ræddu græðgismenninguna á Íslandi.

Þarna hitti ég Eið hennar Dabbý (mág minn) eins og líka í fyrra. Hann er á vegum verslunar og skrifstofufólks á Akureyri. Svo var Konni sonur Svenna bróðir Gunna fyrir Afl á Austurlandi..Hálfgert ættarmót!!.Svo er Grétar Þorsteinsson forseti ASÍ náskyldur mér af Lækjarbotnaætt og við erum búin að spjalla um það. Mér finnst gaman að hitta fólk í þessum hóp og er farin að kannast við marga.

En að voffunum..Það er sko algjört hundalíf í Heiðarbæ núna. Ég er að passa Snata í viku og tók svo Brúnó líka fyrir Jóhönnu. Hún er að vinna alla helgina. En hún og krakkarnir voru með þá sl. nótt..En nú fer að færast ró yfir og sólarhringurinn kominn í lag eftir USA ferðina. Vona að allt gangi vel í Epplastræti hjá M og G.

Bestu kveðjur og sofið rótt...